ماہیں چھماہیں جد ملنا
میں پچھناں
سناﺅ اج کل کیہ پئے کردے او؟
اوس آکھنا
کم پیا سکھدا ہاں
کجھ ورھیاں مگروں پھیر ملیا
میں پچھیا
سناﺅ اجکل کیہ پئے کر دے او؟
اکھے کم پیا سکھنا ہاں
میں اندروں ہسیا تے پچھیا
کجھ دیندے وی نیں
یاں نرا کم سکھاوندے نیں؟
اکھے راتیں لنگر چھک لینا
فجریں ہوکے پھک لینا
پر جد تائیں کم نہیں سکھ لیندا
کجھ ہور نہیں میتھوں ہونا
کنا کو پینڈا رہندا اے، میں پچھیا
اکھے میں جد وی پچھیا اے
اوہ آہندے نیں
ادھا لنگھ گیائے
تے ادھا رہندائے
کدے جاپدائے سبھ دھو کھا اے
جاندا ہوندا تے ایس آہرے
کدے نہ پیندا
پر ہن سوچنا ہاں
جے ادھی رہ گئی اے
واپس کیویں پرتاں
پر کم ہے کیہ اے ؟ میں پچھیا
جیون تے نہ جیون وچ کیہ فرق اے
چوکھا! میں آکھیا
ہن اوہ ہسیا
اکھے میں سوال نہیں پچھیا
تیرے سوال دا اُتر دسیا اے
میں وی ایہو سوچ کے آیا ساں
پر سکھاون والے آہندے نیں
رتی فرق نہیں
جیون تے نہ جیون وچ
بس ایہو کم پیا سکھنا ہاں
جیس دن میں دسیا نہ دسیا
اوس دن سمجھیں میں سکھیا
میں پگھیا
سناﺅ اج کل کیہ پئے کردے او؟
اوس آکھنا
کم پیا سکھدا ہاں
کجھ ورھیاں مگروں پھیر ملیا
میں پچھیا
سناﺅ اجکل کیہ پئے کر دے او؟
اکھے کم پیا سکھنا ہاں
میں اندروں ہسیا تے پچھیا
کجھ دیندے وی نیں
یاں نرا کم سکھاوندے نیں؟
اکھے راتیں لنگر چھک لینا
فجریں ہوکے پھک لینا
پر جد تائیں کم نہیں سکھ لیندا
کجھ ہور نہیں میتھوں ہونا
کنا کو پینڈا رہندا اے، میں پچھیا
اکھے میں جد وی پچھیا اے
اوہ آہندے نیں
ادھا لنگھ گیائے
تے ادھا رہندائے
کدے جاپدائے سبھ دھو کھا اے
جاندا ہوندا تے ایس آہرے
کدے نہ پیندا
پر ہن سوچنا ہاں
جے ادھی رہ گئی اے
واپس کیویں پرتاں
پر کم ہے کیہ اے ؟ میں پچھیا
جیون تے نہ جیون وچ کیہ فرق اے
چوکھا! میں آکھیا
ہن اوہ ہسیا
اکھے میں سوال نہیں پچھیا
تیرے سوال دا اُتر دسیا اے
میں وی ایہو سوچ کے آیا ساں
پر سکھاون والے آہندے نیں
رتی فرق نہیں
جیون تے نہ جیون وچ
بس ایہو کم پیا سکھنا ہاں
جیس دن میں دسیا نہ دسیا
اوس دن سمجھیں میں سکھیا
میں پگھیا
