دوجا مسیح

مینوں مار کے آہندے نیں
بڑی مشکل نال مریا اے
لگدائے بندے دا پتر نہیں سی

میں سوچیا
بھلیکھے وچ مار بیٹھے نیں
ہن سوچی پے گئے نیں
کیہ کر بیٹھے نیں

پھیر وچوں اک اوہناں نوں آہندائے
میرا خیال اے
اجے مریا نہیں
اجے ہلدائے
اوئے چھڈ پاگل دیا پترا
کوئی آکھن لگا
جے ہن اٹھ وی بیٹھا
تے کیہ کر لئے گا ساڈا

اک واری تے سوچیا
اٹھ ای بیٹھاں
تے دساںا یہناں نوں
میں کیہ کرلاں گا ایہناں دا

پھیر سوچیا
چھڈو پرانہہ
اگے اینی مشکل نال مریا ہاں
سو چکر دے کے ایہناں نوں