رہندا تے ہے ¾
پر کد دا اوہ میرے اندر رہنداے
ایہہ نہ خبر اے مینوں
نہ اوس میتھوں (آون توں پہلاں)پچھیا اے
دروازہ بند تے سی
پر میں اوس حیرانی تے خوف نوں
کیویں بھل جاواں
جد میں اوس دروازے نوں
انج ڈھیندیاں ویکھیا
جیویں اوہ پہلے دن توں
کندھاں دا منکر سی
تے اڈیک اچ بیٹھا سی
کد اوہ آوے
تے آپنی خواہش دے طوفاناں نال
میرے ستے امکاناں وچ ہلچل پاوے
میریاں اکھیاں کھل جاون
تے میں انج دیکھاں دنیا نوں
جیویں ایہہ سفنا ہووے
ڈونگیاں نیندراںدا
اوہ پہلا دن سی میرے جیون دا
اوس دن توں مگروں
نہ میں اوہنوں باہر تکیا اے
نہ اوہنے کدی جاون دا پچھیا اے
