جد تک میں نہیں ہاں
میرا ہون بھلیکھا اے ¾
تے آپنے ہون دا دعوی تے وکھ
صرف خیال ای ہاسا اے
لوکیں مینوں ویہندے تے ہے نیں
میں وی آپنے آپ نوں
ویہندا ہاں
پر ایہہ اک پرچھاواں اے
اک ٹردا پھردا بڈاوا
ویکھن وچ پورا
اندروں محض اشارہ
پر آس نہیں جاندی
اک دن آپنے ہوون دی
جیس دن میں ہوساں
میرے شبداں وچ ہوون دا
بھیت وی ہوسی
تے اوہدی چرچا وی
پھیر نہ مینوں
نہ ہور کسے نوں
چیتا رہنا اے
میں کدی اک بڈاوا ساں
جیہڑا ہر ویلے
ایہہ سوچ سوچ کے روندا ساں
میں وی کدی اک دن ہوواں گا
تے اج میں ہے آں
تے سوچنا ہاں
ایہہ کیویں ہو سکدا اے
کدے میں نہیں ساں؟
جیس کولوں وی لنگھدا ساں
اوہ انج مینوں ویکھدا سی
جیویں میں ایک جھوٹھ ہاں ہوند دا
نہیں انج نہیں ہو سکدا
ایہہ میرا محض بھلیکھا اے
