آہندے سن
تینوں اسیں اوتھے کھڑنا ایں
جتھوں اج تائیں
پرت کے کوئی نہیں آیا
پر مشکل ایہہ سی
کوئی ایسی تھاں نہیں سی لبھدی اوہناں نوں
جتھوں اج تائیں پرت کے کوئی نہیں آیا
تے اوہ نہیں سن چاہندے
اوہ پھیر پرت کے اوہناں وچ آوے
ایس مشکل وچ
اوہ سارے اوکھے رہندے سن
تے آوندیاں جاندیاں
ستیاں جاگدیاں اوہنوں چوبھاں لاونیاں
تے کہندیاں رہنا
پُتر تینوں اوتھے گھلاں گے
جتھوں اج تائیں پرت کے کوئی نہیں آیا
اوس ہس پینا
اوہناں دے وچارپُنے تے
تے کدی رو پینا
آپنے وچارپُنے تے
پھر کیہ ہویا
ویکھدیاں ویکھدیاں ایہہ خبر
جنگل دی اگ وانگ
اوہناں دے دُھر اندراں تائیں پھیل گئی
کہ اوس تھاں دی اوہنوں سار اے
جتھوں اج تائیں پرت کے کوئی نہیں آیا
اوہ ہتھ مل مل کے اوہنوں ویکھن تے آکھن
توں ساڈے نال انج کیوں کیتا؟
سانوں آکھیں
دسو مینوں اوہ تھاں
جتھوں اج تائیں پرت کے کوئی نہیں آیا
میں آپے ای اوتھے ٹرجاں گا
توں اینا چر ساڈے تے ہسیا ایں ظالما
توں ساڈے نال انج کیوں کیتا؟
خیر ¾
اوہدے جاون مگروں
سارے سکھی ہو گئے
پر کدے کسے نوں ایہہ خیال نہ آیا
کہ اوہ خبر آئی کتھوں سی
کہ اوس تھاں دی بس اوہنوں ای سار اے
جتھوں اج تائیں پرت کے کوئی نہیں آیا
اک دن اوہناں دے دھر وچالے
اسمانوں اک تارا ڈگا
بڑا سوہنا تارا سی اوہ
دھر وہ تارے توں وی سوہنا تارا
اوہ سارے نسّے اوہنوں جپھ مارن نوں
ایہہ سمجھو کہ اوہ دھرتی دی
سب دولت توں وی
اَن مُلاّ سی
گال گلوچ ¾ مار کٹائی ¾ لہو لہان اوہ سارے
ہر کوئی ایہو آکھے
میں ہے نہیں جے ایہہ میرا نہیں
یاں
جے ایہہ میرا نہیں تے سمجھو
میں جمیا ای نہیں
مارا ماری کر دیاں کردیاں
سارے ای ٹر گئے
انج جیوں اوہناں وچوں کوئی وی
اج تائیں جمیا ای نہیں سی
بس اوہ کلم کلا تارا بچیا
دھر دھرتی وچ انج لشکے
جیویں کہندا ہووے
کیہ فائدہ اوس جمن دا
جیس جمن دا مطلب ای کوئی نہ ہووے
تینوں اسیں اوتھے کھڑنا ایں
جتھوں اج تائیں
پرت کے کوئی نہیں آیا
پر مشکل ایہہ سی
کوئی ایسی تھاں نہیں سی لبھدی اوہناں نوں
جتھوں اج تائیں پرت کے کوئی نہیں آیا
تے اوہ نہیں سن چاہندے
اوہ پھیر پرت کے اوہناں وچ آوے
ایس مشکل وچ
اوہ سارے اوکھے رہندے سن
تے آوندیاں جاندیاں
ستیاں جاگدیاں اوہنوں چوبھاں لاونیاں
تے کہندیاں رہنا
پُتر تینوں اوتھے گھلاں گے
جتھوں اج تائیں پرت کے کوئی نہیں آیا
اوس ہس پینا
اوہناں دے وچارپُنے تے
تے کدی رو پینا
آپنے وچارپُنے تے
پھر کیہ ہویا
ویکھدیاں ویکھدیاں ایہہ خبر
جنگل دی اگ وانگ
اوہناں دے دُھر اندراں تائیں پھیل گئی
کہ اوس تھاں دی اوہنوں سار اے
جتھوں اج تائیں پرت کے کوئی نہیں آیا
اوہ ہتھ مل مل کے اوہنوں ویکھن تے آکھن
توں ساڈے نال انج کیوں کیتا؟
سانوں آکھیں
دسو مینوں اوہ تھاں
جتھوں اج تائیں پرت کے کوئی نہیں آیا
میں آپے ای اوتھے ٹرجاں گا
توں اینا چر ساڈے تے ہسیا ایں ظالما
توں ساڈے نال انج کیوں کیتا؟
خیر ¾
اوہدے جاون مگروں
سارے سکھی ہو گئے
پر کدے کسے نوں ایہہ خیال نہ آیا
کہ اوہ خبر آئی کتھوں سی
کہ اوس تھاں دی بس اوہنوں ای سار اے
جتھوں اج تائیں پرت کے کوئی نہیں آیا
اک دن اوہناں دے دھر وچالے
اسمانوں اک تارا ڈگا
بڑا سوہنا تارا سی اوہ
دھر وہ تارے توں وی سوہنا تارا
اوہ سارے نسّے اوہنوں جپھ مارن نوں
ایہہ سمجھو کہ اوہ دھرتی دی
سب دولت توں وی
اَن مُلاّ سی
گال گلوچ ¾ مار کٹائی ¾ لہو لہان اوہ سارے
ہر کوئی ایہو آکھے
میں ہے نہیں جے ایہہ میرا نہیں
یاں
جے ایہہ میرا نہیں تے سمجھو
میں جمیا ای نہیں
مارا ماری کر دیاں کردیاں
سارے ای ٹر گئے
انج جیوں اوہناں وچوں کوئی وی
اج تائیں جمیا ای نہیں سی
بس اوہ کلم کلا تارا بچیا
دھر دھرتی وچ انج لشکے
جیویں کہندا ہووے
کیہ فائدہ اوس جمن دا
جیس جمن دا مطلب ای کوئی نہ ہووے
