”مینوں خبر اے
ایہہ جنگ میں جت لاں گا“
اوہنے سدا ای ایہو کہنا
”مینوں خبر اے
ایہہ جنگ میں جت لاں گا“
ایہہ کیہ کے اوہنے مینوں
وچ لڑائی دھک دینا
لڑائی کاہدی
جوڑ ای کوئی نہیں سی
ایدھروں اودھروں ول کے اوہناں
دب کے مینوں پِنجنا
لما کُٹاپا چڑھنا
اوہناں لبھ لبھ کے وِتھاں مینوں پھنڈنا
جد میری کوئی ہڈی
کوئی انگ کوئی تھاں سلامت نہ لبھنی
اوہناں جت دے نعرے مار کے
ہسدیاں ہسدیاں ٹر جانا
میں مریا مکیا اوتھے
شام پئی نوں
آپنے آپ نوں کٹھیاں کردیاں پھرنا
تے سوچنا
ہن ویکھنا ایہدی ’ خبر‘ نوں
ایہہ کیویں ایہہ جنگ جت لئے گا
پر خبرے راتی اوہ کیہ کردا سی
تڑکے مینوں جگاونا
تے میں انج پورے دا پورا اٹھنا
جیویں اوہ گُھٹاپا
اوہ ہڈ پیر کھلرے وکھرو وکھرے
میرا لہو قطرہ قطرہ دھرتی وچ رِسنا
اوہ سارا سفنا سی پچھلی رات دا
تے اوہنے ہولی ہولی میرے کنیں کہنا
”مینوں خبر اے
ایہہ جنگ میں جت لاں گا“
تے ایہو کہندیاں کہندیاں
مینوں وچ مدانیں دھک دینا
ایہہ جنگ میں جت لاں گا“
اوہنے سدا ای ایہو کہنا
”مینوں خبر اے
ایہہ جنگ میں جت لاں گا“
ایہہ کیہ کے اوہنے مینوں
وچ لڑائی دھک دینا
لڑائی کاہدی
جوڑ ای کوئی نہیں سی
ایدھروں اودھروں ول کے اوہناں
دب کے مینوں پِنجنا
لما کُٹاپا چڑھنا
اوہناں لبھ لبھ کے وِتھاں مینوں پھنڈنا
جد میری کوئی ہڈی
کوئی انگ کوئی تھاں سلامت نہ لبھنی
اوہناں جت دے نعرے مار کے
ہسدیاں ہسدیاں ٹر جانا
میں مریا مکیا اوتھے
شام پئی نوں
آپنے آپ نوں کٹھیاں کردیاں پھرنا
تے سوچنا
ہن ویکھنا ایہدی ’ خبر‘ نوں
ایہہ کیویں ایہہ جنگ جت لئے گا
پر خبرے راتی اوہ کیہ کردا سی
تڑکے مینوں جگاونا
تے میں انج پورے دا پورا اٹھنا
جیویں اوہ گُھٹاپا
اوہ ہڈ پیر کھلرے وکھرو وکھرے
میرا لہو قطرہ قطرہ دھرتی وچ رِسنا
اوہ سارا سفنا سی پچھلی رات دا
تے اوہنے ہولی ہولی میرے کنیں کہنا
”مینوں خبر اے
ایہہ جنگ میں جت لاں گا“
تے ایہو کہندیاں کہندیاں
مینوں وچ مدانیں دھک دینا
